Hopp til innholdet
Bli kunde Bytt til bedrift
Ein eldre mann drikk kaffi og les noko på nettbrettet sitt med alvorleg ansiktsuttrykk.
Fekk du aldri pakken du bestilte på nett, eller blei skoa du kjøpte heilt annleis, og no får du ikkje tak i nettbutikken?
Bankkort

Reklamasjon

Har du oppdaga ukjente transaksjonar, mottatt ein defekt vare, eller opplevd andre problem med eit kjøp? Vi er her for å hjelpe deg.

Korleis reklamere på ukjente transaksjonar?

Her er ein enkel guide til korleis du kan reklamere på transaksjonar du ikkje kjenner til eller handtere andre kjøpsproblem.

 

Kva gjer du viss du oppdagar ukjente eller feil transaksjonar?

Viss du oppdagar ukjente transaksjonar på bankkortet ditt, må du først sperre kortet umiddelbart. Kontakt vår døgnopne sperreteneste på +47 915 03850 eller logg inn i mobil- eller nettbanken.

Deretter går du gjennom kontoutskrifta di for å identifisere alle mistenkjelege transaksjonar. Viss du har ein tvist med brukerstaden, må du først forsøkje å løyse problemet ved å kontakte dei direkte.

 

Korleis rapportere ukjente transaksjonar?

Når du har sperra kortet og gjennomgått kontoutskrifta, rapporterer du dei ukjente transaksjonane til oss.
Logg inn i mobil- eller nettbanken, vel kortet du ønskjer å opprette reklamasjonssak på, og vel deretter Reklamasjon frå korttenestene.

Tidsfristar

I samsvar med vilkåra for ditt betalingskort samt Finansavtalelova § 37 pkt 1 har du ein reklamasjonsrett føresett at du set fram krav om tilbakeføring utan ugrunna opphald etter at du blei eller burde ha blitt kjent med forholdet, og seinast 13 månader etter belastningstidspunktet.

 

Tips for å unngå kortmisbruk og svindel:

  • Verne om kortopplysningane dine: Del aldri kortinformasjon med ukjente tredjepartar og unngå å oppgi kortdetaljar på usikre nettsider.
  • Trygg netthandel: Bruk sikre betalingsmetodar som totrinnsverifisering, og unngå å handle via offentlege Wi-Fi-nettverk.
  • Ver merksam på phishing: Ver forsiktig med e-postar og meldingar som ber om personleg informasjon eller kortopplysningar.
  • Kontroller kontoutskrifta: Gå gjennom kontoutskrifta di jamnleg for å oppdage uvanlege transaksjonar.
  • Ver forsiktig med prøvepakker: Ofte forpliktar du deg til ei løpande levering når du bestiller ei prøvepakke. Les vilkåra nøye.

Visste du at?

Du kan enkelt opprette ei reklamasjonssak digitalt knytt til kva som helst av dine bank- og kredittkort hos oss.

Det einaste du treng er din BankID-brikke eller BankID-app. Meir nyttig info finn du i reklamasjonsportalen hos NETS.

Spørsmål og svar om reklamasjon

Sperr kortet så fort som mogleg ved å ringe vår døgnopne sperreteneste på +47 915 03850. Vi oppfordrar deg også til å melde forholdet til politiet. Kopi av meldinga kan leggjast ved når du reklamerer. Du kan opprette ei politimelding her.
Du kan levere ei reklamasjonssak viss du har kjøpt ei vare eller teneste som ikkje er mottatt. Før du opprettar ei reklamasjonssak, må du forsøkje å løyse saka med forretninga. Ha klart ordrebekreftinga, ei detaljert skildring av vara eller tenesta, og dokumentasjon på resultatet av førespurnaden til brukerstaden.
Viss vara eller tenesta ikkje er som skildra, eller vara er defekt, kan du opprette ei reklamasjonssak. Før du gjer dette, må du forsøkje å løyse saka med forretninga. Hugs å leggje ved ordrebekreftinga eller ei detaljert skildring av vara/tenesta.
Du kan opprette ei reklamasjonssak viss beløpet du er belasta ikkje stemmer med det du godkjente. Før du gjer dette, må du forsøkje å løyse saka med forretninga. Legg ved kvittering/faktura som beviser korrekt beløp samt korrespondanse med butikken/forretninga.
Viss du ikkje har mottatt refusjon etter å ha avbestilt eller returnert ei vare, kan du opprette ei reklamasjonssak. Før du gjer dette, må du forsøkje å løyse saka med forretninga og leggje ved dokumentasjon som viser dialogen med brukerstaden.

Vilkår

Dine rettar ved reklamasjon er regulert i Finansavtalelovens kapittel 2 om innskots- og betalingstenester, Visa sine reglar, og dei til ei kvar tid gjeldande avtalevilkår for ditt kort:

  • Visa Bankkort
  • Eika Kredittkort
  • Eika Ansatt med privatansvar
  • Eika Bedrift med bedriftsansvar

Komplett oversikt over samtlige vilkår finn du i prislista.

Personvern

Vi er ansvarlege for behandling av personopplysningane som blir oppgitt og henta inn når du registrerer ein kortreklamasjon. Når du har registrert ei sak i vår digitale løysing og signert denne med din BankID, blir opplysningane lagra i inntil 10 år. Viss du startar ein registrering, men ikkje sender inn saka, vil ikkje dine opplysningar bli lagra. Det same gjeld for ein reklamasjon du sender inn på papir.

Har du spørsmål om personvern? Ønskjer du informasjon om dine rettar rundt sletting, innsyn, klage og samtykke, finn du det på vår personvernside.