Meld skade på køyretøy

Maskinskadeforsikringa dekkjer skade som hindrar framdrift av bilen. Når bilen din har stoppa, kan du melde skaden på denne sida. Du mottar ein e-post med skadenummer som du oppgir til verkstaden for taksering slik at dei kan stille diagnose på feilen. Dersom du har Bil Pluss eller 10 dagar leigebil i kaskoforsikringa, dekkjer vi leigebil i opptil fem dagar i diagnosetida. Standard eigenandel er 6 000 kroner.

Dersom skaden er påført av ein annan part, må vi avklare dette med den andre parten direkte eller dennes forsikringsselskap. Dette kan ta tid og er avhengig av om begge partar har meldt sak til eige selskap, om det er semje mellom partane, selskapas behandlingstid, og om politiet har oppretta sak. Har du ei forsikring hos oss som dekkjer skaden uavhengig av skyldspørsmålet, vil du få erstatta skaden over eiga forsikringsdekning medan skyldspørsmålet er til behandling. Din forsikring har då ein eigenandel som du må leggje ut for til saka er avklara.

Dersom du har Bil Pluss eller kasko med 10 dagar leigebil, dekkjer vi leigebil dersom skaden er erstatningsmessig under forsikringa. Har du kasko med 10 dagar leigebil eller Bil Pluss-dekning, har du dekning for leigebil dersom det er ein skade som blir dekka av din kasko- eller maskinskadeforsikring.

Når du melder inn skaden, vil du få oppgitt kva verkstader vi har avtale med i nærleiken av deg. Når du har meldt inn skaden, vil du motta ein e-post med skadenummer som du oppgir til verkstaden for takst og reparasjon. Tid for taksering og reparasjon avtalar du direkte med verkstaden.