For deg som ikkje ønskjer eller kan handtere lånet ditt digitalt

 Er du ein av dei som ikkje har BankID eller ikkje kan få BankID, har vi moglegheit til å utføre legitimasjonskontroll på følgjande vis:

1. Du må sende bevitna kopi av gyldig legitimasjon per post.

Gyldig legitimasjon er:

• Norske og utanlandske pass (ikkje naudpass)
• Norske nasjonale ID-kort
• Norske førarkort
• Norske bankkort med bilete
• Nasjonale ID-kort utstedt av eit EØS-land (ei oversikt over desse er presentert i utlendingsforskrifta vedlegg 4)
• Norsk utlendingspass (blått pass)
• Norsk reisebevis for flyktningar (grønt pass)

2. Ein bevitna kopi av legitimasjon betyr at korrektheita av dokumentet er stadfesta av to vitne eller annan dokumentasjon i tillegg – t.d. kopi av sjølvmelding eller anna dokument utstedt av offentleg myndigheit.

Ønskjer du å bruke privatpersonar som vitne, må desse vere over 18 år og busett i Noreg. Vitna må oppgi følgjande informasjon og signere på sjølve arket med legitimasjonskopien:

• Fullt namn
• Fødselsdato
• Adresse
• Telefonnummer
• Stadfeste at dokumentet er rett kopi og at det tilhøyrer vedkomande som må legitimerast
• Stad/dato

Synest du dette verkar komplisert, har vi utarbeidd eit eige skjema du kan bruke. Ta kontakt med oss for å få skjemaet tilsendt per post.

For at vi skal kunne tilby sikre ikkje-digitale tenester, må vi innhente kopi av legitimasjon manuelt. Både kopi av pass og førarkort inneheld sensitive personopplysningar som t.d. ditt personnummer. Vi ønskjer ikkje at slike opplysningar skal sendast på e-post, og dermed må vi bruke brevkorrespondanse som einaste form for sikker kommunikasjon.

Har vi spørsmål vi ønskjer å oppklare i samband med skriftlege henvendingar vi har mottatt frå deg, vil vi kontakte deg per telefon. Ved å ta ein prat unngår vi moglege misforståingar og kan avtale prosessen vidare i den aktuelle saka.

Ønskjer du å gi fullmakt til andre for å handtere dine kredittkort, smålån, billån eller lån til andre køyretøy hos oss, må du sende oss ei skriftleg henvending om dette per post (brev). Legg ved bevitna kopi av legitimasjon. Sjå forrige avsnitt for meir informasjon om dette.

Så snart henvendinga er mottatt, vil vi sende deg fullmaktsskjema for utfylling og signering. Vi vil også gi deg ein kort beskriving av prosessen vidare.

Ønskjer du at fullmaktsinnehavar skal ha eit tilleggskredittkort tilknytt din kredittkortavtale, kan du spesifisere dette i brevet du sender til oss. I så fall vil du motta ytterlegare dokumentasjon som må fyllast ut.

Sjølv om du ikkje brukar våre digitale løysingar i dag, kan det hende at du ønskjer å ta dei i bruk på eit seinare tidspunkt.

I så fall må du sende oss ei skriftleg henvending per post (brev). Sammen med brevet må du legge ved bevitna kopi av legitimasjon (sjå eige avsnitt om dette lenger opp på sida). Skriv gjerne at du ønskjer å ta i bruk våre nettbaserte tenester og eventuell dato for overgang frå det analoge til det digitale. Du må også stadfeste at du har gjeldande BankID-avtale.

Vi vil då avslutte utsendinga av lovpålagde dokument per post (t.d. årsoppgåver) og vil levere alle dokument digitalt i mobil- og nettbanken.

Ønskjer du å motta eFaktura, må du sjølv godta «Ja takk til alle» i mobil- og nettbanken. Ønskjer du rettleiing rundt dette, kan du ta kontakt med kundesenteret.

Ønskjer du å ta ein pause frå det digitale, må du sende oss ei skriftleg henvending per post (brev). Sammen med brevet må du legge ved bevitna kopi av legitimasjon (sjå eige avsnitt om dette lenger opp på sida).

Skriv gjerne at du ønskjer å bruke våre ikkje-digitale tenester og oppgi ønskja dato for endringa. I tillegg må du stadfeste at du ikkje lenger har gyldig BankID-avtale og tilgang til mobil- og nettbank.

Vi vil då etterkome ønsket ditt og sende ut framtidige lovpålagde dokument (t.d. årsoppgåver) per post.