Endringar i vedtekter påverkar kundevalet
Under årets generalforsamling vart det vedteke endringar i banken sine vedtekter. Ein av desse endringane var storleiken på generalforsamlinga, der alle grupper som er representert vil bli redusert. Viser til vedtak i protokollen frå generalforsamlinga 17.04.2024, og er tilgjengeleg på heimesida til banken, samt på Oslo Børs.
Kandidatane som er på val:
Kandidatane er oppført etter valkrets (Aurland, Årdal/Lærdal, Vik)
Valkrets Aurland
I Aurland er følgjande kandidatar på val
- Bjørn Ebne
- Eva Laastad
- Ingvild Åsvang
- Thomas Rastad
Den med flest stemmer blir valt for perioden 24/27, den med nest flest stemmer blir valt for perioden 24/25 og den med tredje flest stemmer vil bli varamedlem for perioden 24/27. Ved stemmelikheit blir det loddtrekking.
Valkrets Årdal/Lærdal
I Årdal/Lærdal er følgjande kandidatar på val:
- Per Olav Lerøy
- Even Gundersen Vee
For Årdal/Lærdal er det to kandidatar som stiller til nytt val. Den med flest stemmer blir valt for perioden 24/27, og den med minst stemmer blir valt for perioden 24/25. Ved stemmelikheit blir det loddtrekking. I tillegg til to medlemmar skal det vere eit varamedlem. Her er det ein kandidat og derfor ikkje eit val. Kristin Haug Hæreid vil vere varamedlem for perioden 24/27.
Valkrets Vik
I Vik er følgjande kandidatar på val:
- Anne Mårdalen
- Bjarne Engum
- Per Aase
- Reidunn Bolstad
Den med flest stemmer blir valt for perioden 24/27, den med nest flest stemmer blir valt for perioden 24/25 og den med tredje flest stemmer vil bli varamedlem for perioden 24/27. Ved stemmelikheit blir det loddtrekking.
Kven kan stemme ved kundevalet?
Sparebanken sine myndige kundar som har, og i dei siste seks månadane har hatt eit engasjement på minimum 5.000 kroner har stemmerett ved val av kundane sine medlemer og varamedlemer til generalforsamlinga.Kvart kundeforhold gjev ei røyst når ikkje anna følgjer av lova eller vedtektene. Ingen kunde har meir enn 2 stemmer, ei på grunnlag av eige kundeforhold, og ei som representant for annan kunde.
Korleis kan eg stemme?
Valet føregår digitalt, med innlogging med BankID. Dei som ikkje har høve til å nytte denne løysinga, kan stemme over skranken på kontora i oversikta nedanfor. Lenke for å stemme ved kundevalet vert sendt ut per epost til kundar i banken. Stemmeinformasjon vert sjølvsagt også tilgjengeleg på nettsida.
Det vert også mogeleg å nytte ei skrankeløysing for dei som ikkje har høve til å stemme digitalt. Det vil vere mogeleg å stemme ved følgjande kontor:
-
Aurland man, tors og fre kl. 12 - 14
-
Lærdal tys, ons og fre kl. 12 - 14
-
Vik man, ons og fre kl. 12 - 14
-
Årdalstangen tys og tors kl. 12 - 14
-
Øvre Årdal man, ons og fre kl. 12 - 14
Har du spørsmål kring kundevalet?
