Sogn Sparebank har signert Kvinner i Finans Charter

Kvinner i Finans Charter

Den positive effekten av auka del kvinner i leiande posisjonar i næringslivet, er grundig dokumentert. Likevel går utviklinga for sakte, også her i Noreg, der me liker å sjå på oss sjølv som eit føregangsland når det gjeld likestilling mellom kjønn. Manglande utvikling er ikkje berekraftig – verken for individ, selskap eller samfunnet.

Les meir på kvinnerifinans.com

Dei fire prinsippa Sogn Sparebank har forplikta seg til gjennom Kvinner i Finans Charter er:

Ha eit medlem i leiarteamet med dedikert ansvar for å følgja opp arbeidde med kjønnsbalanse og inkludering.
Sette interne mål for kjønnsbalanse på leiarnivå og i spesialistfunksjonar.
Årleg publisera status og framgang mot måla på eiga nettside.
Ha ein ambisjon om at framgang mot måla skal reflekterast i godtgjersle til leiarteam

For Sogn Sparebank er det kompetansen som er det avgjerande, og ikkje kva kjønn ein har. Likevel vil leiinga oppmuntre og legge til rette for at fleire kvinner rekk opp handa og tek ansvar. Det er viktig for banken med god kjønnsdeling, aldersfordeling og mangfald i organisasjonen, seier Ingeborg Indrelid, Leiar Stab.

Våre mål i Sogn Sparebank, status per. 31.12.2023

	Andel kvinner	Andel menn
Kjønnsbalanse i verksemda	57 %	43 %
Kjønnsbalanse i leiargruppa	40 %	60 %
Mål for kjønnsbalanse i leiande stillingar	50 %	50 %
Kjønnsbalanse i øvrige leiarnivå	100 %	0 %
Kjønnsbalanse i styret	44 %	56 %
Kjønnsbalanse i øvrige leiarnivå	100 %	0 %
Kjønnsbalanse i styret	44 %	56 %

Meir informasjon:

Kompetanseutvikling er eit fast punkt i medarbeidarsamtalar og i rekrutteringsprosessar. Fokus på å informere og forklare kva mogelegheiter som finst for dei tilsette i banken er viktig, og ikkje minst at kvinnelege leiarar går føre som gode førebilete. Kvinner og menn skal ha same like moglegheiter for å kvalifisere seg til alle typar oppgåver og karrieremoglegheitene skal vere dei same. Banken har nulltoleranse for diskriminering og har fokus på at komptanse skal vere toneangivande. Det er viktig for banken med god kjønnsdeling, aldersdeling og mangfald i organisasjonen. Fordelen med å ha folk i ulike aldrar og livssituasjon er at me speglar kundane, samt at det er enklare for banken å tilpasse seg den enkelte sin livssituasjon,

Årsmelding 2023