Handel med kryptovaluta og virtuell valuta

Kva er kryptovaluta?

Kryptovaluta, også kalla virtuell valuta, er desentraliserte, digitale pengar som kan brukast av alle. Dei kan sendast direkte mellom personar utan at ein tredjepart er involvert. Dette kan gjere transaksjonar vanskelegare å spore.

Risikoar ved kryptohandel

• Kryptovaluta er ikkje regulert, og mangelen på sentral styring kan gjere marknaden meir utsett for kriminell aktivitet.
• Svindel er ein risiko, og det finst aktørar som nyttar teknikkar som phishing og falske tilbod for å lure forbrukarar.
• Marknaden er prega av store svingingar, noko som kan føre til raske og store endringar i verdien av kryptovalutaen.

Korleis vi beskyttar deg

For å sikre trygge transaksjonar har bankane strenge retningsliner for handtering av midlar knytt til kryptohandel. Dette er for å beskytte deg som kunde og bidra til ein trygg og regulert marknad.

Viktige reglar:

• Du må kunne dokumentere korleis investert beløp er tent. Dersom handelen er gjennomført i ein annan bank, må du dokumentere korleis midla som vart brukte til handelen er tent.
• For at vi skal kunne vurdere dokumentasjonen som vert mottatt, må transaksjonane ha gått gjennom ein kryptobørs som er rapporteringspliktig til norsk regulatorisk myndigheit. Ei liste over slike børser finst på Finanstilsynet sine nettsider.
• Vi krev komplett dokumentasjon på alle transaksjonar frå kjøpstidspunktet til pengane er på konto hos oss.
• Du må levere dokumentasjon på at formue og eventuell gevinst er rapportert til skattemyndigheitene.
• Innbetalingar frå utanlandske børser som ikkje oppfyller våre krav, kan bli blokkerte mellombels til dokumentasjonen er godkjend.

Hugs: Alle dokument må vere på norsk, og vi kan krevje ytterlegare dokumentasjon for å forsikre oss om at pengane dine er lovlege. Området er i stadig utvikling og endringar vil førekome.

Vi vil oppdatere rutinar og retningsliner i tråd med gjeldande regelverk.